Қазақстандық ZETA өндірістік компаниясы – 1996 жылдан бастап ұлттық нарықта жиһаз, пластикалық және металл өнімдерін кең ауқымда өндіру бойынша тұрақты көшбасшы. ZETA дүкендер желісі қарқынды дамып, бүгінде Қазақстанның 27 қаласында 60 дүкені бар. Өзіндік өндірістегі тауарларды сатумен қатар, біз ТМД елдерінен және Еуропа елдерінен өнімдерді импорттаймыз. Біздің жеткізушілеріміз бен серіктестеріміз арасында Ресей, Италия, Вьетнам, Түркия, Польша, Малайзия және Өзбекстан бар. Негізгі қызмет бағыты – жұмсақ және корпусты жиһаз, үй мен кеңсе үшін орындықтар, үстелдер мен креслолар өндіру. Сонымен қатар, компания мектеп және медициналық мекемелерге, сұлулық салондарына, қонақ үй және мейрамхана бизнесіне арналған жиһаздарды, сондай-ақ конференц-залдар мен кинотеатрларға арналған креслоларды өндіреді. Компанияның 15 гектар жерге орналасқан 8 жеке зауыты бар. Өндірістік қуаттылықтарды арттыру, жоғары технологиялық жабдықтарды сатып алу және теңгерімді өндіріс стратегиясының арқасында дайын өнімдегі қазақстандық үлес шамамен 80%-ды құрайды.